Vendim për miratimin, në parim, të marrëveshjes së kredisë për eksport, ndërmjet Këshillit të Ministrave të Republikës së Shqipërisë, që vepron në emër të Republikës së Shqipërisë dhe përfaqësohet nga Ministria e Financave, dhe Unicredit Bank Austria, për financimin e “Projektit të furnizimit me ujë të Bilishtit- Kontratë me çelësa në dorë”

Në mbështetje të nenit 100 të Kushtetutës, të nenit 26, të ligjit nr.9665,        datë 18.12.2006, “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”, dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Puneve Publike dhe Transportit dhe ministrit te Financave, Këshilli i Ministrave

V E N D O S I:

Miratimin, në parim, të marrëveshjes së kredisë për eksport, ndërmjet Këshillit të Ministrave të Republikës së Shqipërisë, që vepron në emër të Republikës së Shqipërisë dhe përfaqësohet nga Ministria e Financave, dhe UniCredit Bank Austria, për financimin e “Projektit të furnizimit me ujë të Bilishtit – kontratë me çelësa në dorë”, me një kredi të butë prej 7 505 420,80 (shtatë milionë e pesëqind e pesë mijë e katërqind e njëzet, presje tetëdhjetë) euro, sipas tekstit bashkëlidhur këtij vendimi.
Ky vendim hyn në fuqi menjëherë.

K R Y E M I N I S T R I

SALI BERISHA
13/07/2011