Vendim për miratimin, në parim, të marrëveshjes së projektit, ndërmjet këshillit të Ministrave të Republikës së Shqipërisë dhe Qeverisë së Konfederatës Zvicerane, për dhënien e ndihmës financiare për projektin “Furnizimi me ujë të pijshëm dhe kanalizime në Lezhë dhe Shëngjin”

Në mbështetje të nenit 100 të Kushtetutës dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve Publike dhe Transportit dhe ministrit të Financave, Këshilli i Ministrave

V E N D O S I:

Miratimin, në parim, të marrëveshjes së projektit, ndërmjet Këshillit të Ministrave të Republikës së Shqipërisë dhe qeverisë së Konfederatës Zvicerane, për dhënien e ndihmës financiare për projektin “Furnizimi me ujë të pijshëm dhe kanalizime në Lezhë dhe Shëngjin”, nëpërmjet një granti prej 10 520 000 (dhjetë milionë e pesëqind e njëzet mijë) eurosh, sipas tekstit që i bashkëlidhet këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA

20/10/2011