Vendim për miratimin, në parim, të marrëveshjes shtesë së marrëveshjes së financimit, nënshkruar më 23 dhjetor 2010, ndërmjet Republikës së Shqipërisë, përfaqësuar nga Ministria e Financave, dhe Kfw Frankfurt am main, për financimin e programit “Infrastruktura bashkiake i” (fondet e grantit Ipa, 2010)

Në mbështetje të nenit 100 të Kushtetutës dhe të neneve 5 e 7 të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve Publike dhe Transportit dhe ministrit të Financave, Këshilli i Ministrave,

V E N D O S I:

Miratimin, në parim, të marrëveshjes shtese të marrëveshjes së financimit, nënshkruar më 23 dhjetor 2010, ndërmjet KfW  Frankfurt am Main dhe Republikës së Shqipërisë, përfaqësuar nga Ministria e Financave, për financimin e programit “Infrastruktura bashkiake I”, nëpërmjet një granti me fonde të IPA-së, për vitin 2010, prej 490 000 (katërqind e nëntëdhjetë mijë) eurosh.

Ky vendim hyn në fuqi menjëherë.

K  R Y E M I N I S T R I

SALI  BERISHA

14/12/2011