Vendim për miratimin e fondit të shpenzimeve, për vitin 2011, për entin rregullator të sektorit të furnizimit me ujë dhe largimit e përpunimit të ujërave të ndotura

Në mbështetje të nenit 100 të Kushtetutës dhe të pikës 1, të nenit 11, të     ligjit nr.8102, datë 28.3.1996, “Për kuadrin rregullator të sektorit të furnizimit me ujë dhe largimit e përpunimit të ujërave të ndotura”, të ndryshuar, me propozimin e ministrit të Financave, Këshilli i Ministrave

V E N D O S I:

1. Miratimin e fondit të shpenzimeve, për Entin Rregullator të Sektorit të Furnizimit me Ujë dhe Largimit e Përpunimit të Ujërave të Ndotura, për vitin 2011, në shumën prej 34 245 000 (tridhjetë e katër milionë e dyqind e dyzet e pesë mijë) lekësh, sipas pasqyrës nr.1 që i bashkëlidhet këtij vendimi.

2. Ngarkohen Ministria e Financave dhe Enti Rregullator i Sektorit të Furnizimit me Ujë dhe Largimit e Përpunimit të Ujërave të Ndotura  për zbatimin e këtij vendimi.

Ky vendim hyn në fuqi menjëherë.
K R Y E M I N I S T R I

SALI BERISHA
12/01/2011