LIGJI Nr. 9357, dt 17.3.2005 “PËR STATUSIN E PUNONJËSIT TË SHËRBIMIT INFORMATIV TË SHTETIT”

(i ndryshuar[2])

Neni 42

Trajtimi i familjarëve të punonjësit, që humbet jetën në detyrë ose për shkak të detyrës

1. Familja e punonjësit, që humbet jetën në detyrë ose për shkak të detyrës, përfiton pension familjar në masën 100 për qind të pagës mujore të muajit të fundit, pavarësisht nga periudha e sigurimit të të ndjerit.

2. Fëmijët e punonjësit, që ka humbur jetën në detyrë ose për shkak të detyrës, kur fitojnë të drejtën e ndjekjes së arsimit të lartë, përfitojnë nga shteti bursë të plotë, brenda planit të bursave, të miratuara nga Këshilli i Ministrave, për vitin akademik përkatës.

3. Fëmijët e punonjësit, që ka humbur jetën në detyrë ose për shkak të detyrës, kanë të drejtën e zgjedhjes së arsimit të mesëm, për shkollat e mesme, për të cilat nuk zhvillohet konkurs. Kërkesa paraqitet nga Drejtori i Shërbimit Informativ të Shtetit dhe miratohet nga Ministri i Arsimit dhe Shkencës. Në këto raste fëmija trajtohet me bursë të plotë, brenda planit të bursave, të miratuara nga Këshilli i Ministrave, për vitin shkollor përkatës.