VENDIM PËR MIRATIMIN, NË PARIM, TË MARRËVESHJES SË FINANCIMIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KOMISIONIT EUROPIAN, PËR PROGRAMIN HORIZONTAL PËR SIGURINË BËRTHAMORE DHE MBROJTJEN NGA RREZATIMET, NË KUADËR TË INSTRUMENTIT PËR ASISTENCËN E PARAZGJERIMIT, PËR VITIN 2009

Në mbështetje të nenit 100 të Kushtetutës dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Integrimit, Këshilli i Ministrave

V E N D O S I:

Miratimin, në parim, të marrëveshjes së financimit, ndërmjet Këshillit të Ministrave të Republikës së Shqipërisë dhe Komisionit Europian, për programin horizontal për sigurinë bërthamore dhe mbrojtjen nga rrezatimet, në kuadër të Instrumentit për Asistencën e Parazgjerimit, për vitin 2009.

Ky vendim hyn në fuqi menjëherë.

KRYEMINISTRI

SALI BERISHA

 
17/03/2010