VENDIM PËR MIRATIMIN, NË PARIM, TË MARRËVESHJEVE DHE TË DOKUMENTEVE TË TRANSAKSIONIT, NDËRMJET KËSHILLIT TË MINISTRAVE TË REPUBLIKËS SË SHQIPËRISË, PËRFAQËSUAR NGA MINISTRI I FINANCAVE, DHE DEUTSCHE BANK AG, LONDËR E J.P. MORGAN SECURITIES LTD, PËR EMETIMIN E EUROBONDIT, DERI NË 400 MILIONË EURO

Në mbështetje të nenit 100 të Kushtetutës, të neneve 16 e 26, të ligjit nr.9665, datë 18.12.2006, “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”,  dhe të  neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Financave, Këshilli i Ministrave

v e n d o s i :

Miratimin, në parim, të marrëveshjeve dhe të dokumenteve të transaksionit, ndërmjet Këshillit të Ministrave të Republikës së Shqipërisë, përfaqësuar nga ministri i Financave, dhe Deutsche Bank AG, Londër e J.P. Morgan Securities ltd, për emetimin e Eurobondit, deri në 400 (katërqind) milionë euro.

Ky vendim hyn në fuqi menjëherë.

K R Y E M I N I S T R I

SALI  BERISHA
07/04/2010