VENDIM PËR MIRATIMIN, NË PARIM, TË MARRËVESHJES, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE URDHRIT SOVRAN USHTARAK BAMIRËS TË SHËN GJONIT TË JERUZALEMIT, TË RODIT DHE MALTËS, PËR SHËRBIMIN POSTAR

Në mbështetje të nenit 100 të Kushtetutës dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit për Inovacionin dhe Teknologjinë e Informacionit e Komunikimit, Këshilli i Ministrave

V E N D O S I:

Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe Urdhrit Sovran Ushtarak Bamirës të Shën Gjonit të Jeruzalemit, të Rodit dhe Maltës, për shërbimin postar, sipas tekstit që i bashkëlidhet këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA
07/07/2010