VENDIM PËR MIRATIMIN, NË PARIM, TË MARRËVESHJES SË FINANCIMIT DHE PROGRAMIT, NDËRMJET REPUBLIKËS SË SHQIPËRISË, PËRFAQËSUAR NGA MINISTRIA E FINANCAVE DHE SHOQATA RAJONALE “KORÇA”, DHE KFW FRANKFURT AM MAIN, PËR FINANCIMIN E PROJEKTIT “ADMINISTRIMI I MBETJEVE TË NGURTA NË JUGLINDJE TË SHQIPËRISË”

Në mbështetje të nenit 100 të Kushtetutës dhe të neneve 5 e 7, të ligjit nr.8371,datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve Publike dhe Transportit dhe ministrit të Financave, Këshilli i Ministrave

V E N D O S I:

Miratimin, në parim, të marrëveshjes së financimit dhe programit, ndërmjet Republikës së Shqipërisë, përfaqësuar nga Ministria e Financave dhe shoqata rajonale “Korça” dhe KfW Frankfurt am Main, për financimin e projektit “Administrimi i mbetjeve të ngurta në Juglindje të Shqipërisë”, me një vlerë të përgjthshme në grant prej 2 000 000 (dy milionë) eurosh, sipas tekstit që i  bashkëlidhet këtij vendimi.

Ky vendim hyn në fuqi menjëherë.
K R Y E M I N I S T R I

SALI BERISHA
22/12/2010