VENDIM PËR MIRATIMIN, NË PARIM, TË MARRËVESHJES SË FINANCIMIT DHE PROGRAMIT, NDËRMJET REPUBLIKËS SË SHQIPËRISË, PËRFAQËSUAR NGA MINISTRIA E FINANCAVE DHE FONDI SHQIPTAR PËR ZHVILLIM, DHE KFW FRANKFURT AM MAIN, PËR FINANCIMIN E PROJEKTIT “FONDI I INVESTIMEVE SOCIALE, IV”

Në mbështetje të nenit 100 të Kushtetutës dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve Publike dhe Transportit dhe të ministrit të Financave, Këshilli i Ministrave

V E N D O S I:
Miratimin, në parim, të marrëveshjes së financimit dhe programit, ndërmjet Republikës së Shqipërisë, përfaqësuar nga Ministria e Financave dhe Fondi Shqiptar për Zhvillim, dhe KfW Frankfurt am Main, për financimin e projektit “Fondi i investimeve sociale, IV”, nëpërmjet një granti prej 8 820 000 (tetë milionë e tetëqind e njëzet mijë) eurosh, sipas tekstit bashkëlidhur këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA
22/12/2010