Publikohet ne Fletore Zyrtare Udhëzuesi Standard i Marrëdhënieve të Gjykatave me Publikun dhe Median

17 Dhjetor 2023 – Qendra e Botimeve Zyrtare ka publikuar ne Fletore Zyrtare Udhëzuesin Standard të Marrëdhënieve të Gjykatave me Publikun dhe Median.  Fletorja Zyrtare mban nr 182 dhe eshte publikuar ne daten 16 Dhjetor, 2023. Ajo  mund te shkarkohet ne form PDF nga te gjithe te interesuarit ne linkun: https://www.infocip.org/al/wp-content/uploads/2023/12/FZ-2023-182.pdf. Ju mund ta shkarkoni Fletoren Zyrtare edhe thjesht duke klikuar ne imazhin e kopertines ketu poshte ne kete shkrim/faqe.

Këshilli i Lartë Gjyqësor, në Mbledhjen Plenare të datës 06.12.2023, miratoi Udhëzuesin në përmbushje të detyrimeve ligjore. Ky vendim i rëndësishëm synon rritjen e transparencës së gjykatave ndaj medias dhe publikut.  Publikimi i ketij Udhezuesi ne Fletoren Zyrtare eshte nje lajm per tu pershendetur. Ky moment zyrtarizon plotesisht anagazhimin e marre nge KLGj dhe INFOCIP per finalizimin me sukses te nje procesi qe normon mardheniet Media-Gjykate.

INFOCIP ka nisur shperndarjen e Fletores Zyrtare nr 182, dt 16 Dhjetor 2023  tek te gjitha palet e interesuara.  Procesi per miratimin e ketij akti te rëndësishëm u nxit dhe u facilitua nga Qendra për Çeshtje të Informimit Publik, INFOCIP, në kuadër të Programit “Open Courts through Press Judges”. Përpjekjet e mëparshme, të nisura që në vitin 2018 nga projekti Euralius nuk kishin sjellë rezultat. Udhëzuesi në formën e tij fillestare nuk ishte në harmoni me ligjet e Reformës në Drejtësi dhe as me legjislacionin për të drejten e informimit dhe mbrojtjen e të dhënave personale në Shqipëri.

Dy takime në formatin e konferencës ndërkombëtare u zhvilluan në Tiranë për këtë qëllim, ku morën pjesë gyqtarë të medias të gjykatas së Mastrihtit, Marc Bax, njëkohësisht gjyqtar për mediat, Gjyqtare znj. Lenke de Klerk, gjyqtare per mediat ne gjykatën e East Brabant, znj. Ilse Westenenk, shefe e departamentit të komunikimit në gjykatën e East Brabant dhe znj. Anne Tahapary, nga Shkolla e Magjistraturës e Holandës, përgjegjëse e asistencës ndërkombëtare në këtë program (lexo me shume per konferencen nderkombetare te dates 4 Mars 2022 ose hap ketu Konferencen e dyte nderkombetare te dates 6 Maj 2022.)

Drejtori i INFOCIP, z. Gerti Shella mori pjesë si ekspert i komunikimit ligjor në hartimin dhe konsolidimin me pas të draft-udhëzuesit në grupin e punës të ngritur nga KLGJ për këtë qëllim, i përbërë nga gjyqtarët e medias Marçela Shehu (KLGJ), Saida Dollani (Apeli i GJKKO), Edlira Petri (Apeli J.P. Tiranë).

INFOCIP përgatiti një draft të avancuar, bazuar me modelin Holandez, të cilin e dorëzoi për vlerësim në KLGJ në Maj 2022. Përdorimi i modelit holandez ishte gjithashtu një kërkesë e shprehur e gjyqtarëve të medias në dy takimet ndërkombëtare të organizuara në Tiranë nga INFOCIP për këtë qëllim.

Udhëzuesi i është nënshtruar procesit të konsultimit publik me gjyqtarët e medias, gazetarët, Komisionerin për të Drejtën e Informimit dhe Mbrojtjen e të Dhënave Personale, si dhe me organizatat e shoqërisë civile, të cilat ushtrojnë veprimtarinë e tyre në fushën e drejtësisë. Konsultimet me median u mbështetën financiarisht nga INFOCIP, në kuadër të projektit “Open Court through Press Judges”, respektivisht ne datat 24 Mars 2023  dhe  18 Prill 2023.

Diskutimet u moderuan në emër të KLGJ nga anëtarja e KLGJ, njëkohësisht gjyqtare për mediat, Marçela Shehu. Të gjitha takimet u regjistruan në format audio nga INFOCIP, për të zbardhur me besnikëri në proceverbalet e diskutimit sugjerimet nga komuniteti i gazetarëve profesionistë.