VENDIM Për LEJIMIN E DREJTORISË SË SHËRBIMEVE QEVERITARE TË PËRDORË PROCEDURËN “PROKURIM I DREJTPËRDREJTË”, PËR RIKONSTRUKSIONIN E TARRACËS SË PALLATIT TË BRIGADAVE

Në mbështetje të nenit 100 të Kushtetutës dhe të pikës 3, të nenit 17, të ligjit  nr.7971, datë 26.7.1995, “Për prokurimin publik”, të ndryshuar, me propozimin e Kryeministrit, Këshilli i Ministrave

V E N D O S I :

1.      Lejimin e Drejtorisë së Shërbimeve Qeveritare, që, për fondin prej 20 158 992 (njëzetë millionë e njëqind e pesëdhjetë e tetë mijë e nëntëqind e nentedhjetë e dy), lekësh, të përdorë procedurën “Prokurim i drejtpërdrejtë”, me shoqërinë “AME”, shpk, Tiranë, për rikonstruksionin e tarracës së Pallatit të Brigadave.

2.      Mbikëqyrja e punimeve të kryhet nga subjekti i licencuar, person fizik, ing. Ilir Kenaj.

3.      Ky fond të përballohet nga buxheti i vitit 2006, miratuar për Këshillin e Ministrave, zëri “Investime”.

4.      Ngarkohen Ministria e Financave, aparati i Këshillit të Ministrave dhe Drejtoria e Shërbimeve Qeveritare për zabtimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI  BERISHA
11/10/2006