VENDIM PËR NJË SHTESË FONDI NË BUXHETIN E VITIT 2008, MIRATUAR PËR MINISTRINË E BRENDSHME, PËR BASHKËFINANCIMIN E PROJEKTIT PËR NDËRTIMIN E RRUGËS DRIMADH-SOPIK, NË QARKUN E GJIROKASTRËS

Në mbështetje të nenit 100 të Kushtetutës, të neneve 21 e 27, të ligjit nr.8379, datë 29.7.1998, “Për hartimin dhe zbatimin e buxhetit të shtetit të Republikës së Shqipërisë”, të ndryshuar, dhe të ligjit nr.9836,  datë 26.11.2007, “Për buxhetin e shtetit, të vitit 2008”, të ndryshuar, me propozimin e ministrit të Brendshëm,  Këshilli i Ministrave

V E N D O S I :

1. Ministrisë së Brendshme, në buxhetin e miratuar për vitin 2008, t’i shtohet fondi prej 504 000 (pesëqind e katër mijë) eurosh, e konvertuar në 63 000 000 (gjashtëdhjetë e tre milionë) lekë,  për bashkëfinancimin dhe përballimin e pagesës së TVSH-së, për ndërtimin e rrugës Drimadh-Sopik, në qarkun e Gjirokastrës.

2. Ky fond të përballohet nga fondi rezervë i Këshillit të Ministrave.

3. Ngarkohen Ministria e Financave, Ministria e Brendshme dhe qarku i Gjirokastrës për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA
14/05/2008