VENDIM PËR NJË SHTESË FONDI BASHKIVE VLORË DHE KUKËS, PËR REHABILITIMIN E INFRASTRUKTURËS SË DËMTUAR NGA FATKEQËSITË NATYRORE, PËR MARRJEN E MASAVE, PARANDALUESE E MBROJTËSE, PËR EMERGJENCA CIVILE

Në mbështetje  të nenit 100 të Kushtetutës, të  neneve 21 e 27, të ligjit nr.8379, datë 29.7.1998, “Për hartimin dhe zbatimin e buxhetit të shtetit në Republikën e Shqipërisë”, të ndryshuar, të nenit 12, të ligjit nr.9836, datë 26.11.2007, “Për buxhetin e shtetit, të vitit 2008”, dhe të neneve 31 e 32/a, të ligjit nr.8756, datë 26.3.2001, “Për emergjencat civile”,  me propozimin e ministrit të Brendshëm, Këshilli i Ministrave

V E N D O S I:

1.      Njësive të mëposhtme të qeverisjes vendore, në buxhetin e miratuar për vitin 2008, t’u shtohen fondet si më poshtë vijon :

a) Bashkisë Vlorë, në qarkun e Vlorës, 10 000 000 (dhjetë milionë) lekë investime, në kuadër të emergjencave civile, për rehabilitimin e “Kanalit të ujërave të larta” të qytetit, të dëmtuar nga fatkeqësi natyrore.

1.2.  Bashkisë Kukës, në qarkun e Kukësit, 20 000 000 (njëzet milionë) lekë, për zbatimin e projektit

“Rehabilitimi i mbulesave të pallateve 1, 2,e 3 në lagjen nr.1, Kukës”.

1. Fondi, gjithsej, 30 000 000 (tridhjetë milonë) lekë, të përballohet nga fondi rezervë i Këshilit të Ministrave

1. Ngarkohen ministri i Financave, ministri i Brendshëm, prefektët e qarqeve të Vlorës dhe Kukësit, si dhe bashkia Vlorë dhe bashkia Kukës për zbatimin e këtij vendimi.

Ky vendim hyn në fuqi menjëherë .

K R Y E M I N I S T R I

SALI BERISHA

16/01/2008