VENDIM PËR NJË SHTESË FONDI NË BUXHETIN E VITIT 2009, MIRATUAR PËR MINISTRINË E EKONOMISË, TREGTISË DHE ENERGJETIKËS, PËR QENDRËN KOMBËTARE TË LICENCIMIT

Në mbështetje të nenit 100 të Kushtetutës, të nenit 10, të ligjit nr.9000,              datë 31.1.2003, “Për organizimin dhe funksionimin e Këshillit të Ministrave”, të nenit 29, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ligjit nr.10025,  datë 27.11.2008, “Për buxhetin e vitit 2009”, dhe të ligjit nr.10081, datë 23.2.2009, “Për licencat dhe autorizimet në Republikën e Shqipërisë”, me propozimin e ministrit të Ekonomisë, Tregtisë dhe Energjetikës, Këshilli i Ministrave

V E N D O S I:

4.     Ministrisë së Ekonomisë, Tregtisë dhe Energjetikës, për Qendrën Kombëtare të Licencimit, në buxhetin e miratuar për vitin 2009, në programin “Mbështetje për zhvillim ekonomik”, t’i shtohet fondi  34 000 000 (tridhjetë e katër milionë) lekë, përkatësisht:

–          21 000 000 (njëzet e një milionë) lekë, zëri “Shpenzime personeli”;

–          13 000 000 (trembëdhjetë milionë) lekë, zëri “Shpenzime korente”.

5.     Ky fond të përballohet nga fondi rezervë i buxhetit të vitit 2009.

6.     Ngarkohen Ministria e Ekonomisë, Tregtisë dhe Energjetikës dhe Ministria e Financave për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA
28/05/2009