VENDIM PËR ORGANIZIMIN, FUNKSIONIMIN DHE PËRBËRJEN E KOMISIONIT QENDROR TË REGJISTRIMIT

Në mbështetje të nenit 100 të Kushtetutës dhe të nenit 11, të ligjit nr.8669,  datë 26.10.2000, “Për regjistrimin e përgjithshëm të popullsisë dhe banesave”, të ndryshuar, me propozimin e zëvendëskryeministrit, Këshilli i Ministrave

V E N D O S I:

1.      Komisioni Qendror i Regjistrimit drejtohet nga zëvendëskryeministri, i cili është edhe kryetari i tij, dhe ka përbërjen, si më poshtë vijon:

1.      Ministri i Financave,                                                                                                  anëtar;

2.      Ministri i Brendshëm,                                                                                               anëtar;

3.      Ministri i Ekonomisë, Tregtisë dhe Energjetikës,                                               anëtar;

4.      Ministri i Integrimit,                                                                                                    anëtar;

5.      Ministri i Punëve të Jashtme,                                                                                  anëtar;

6.      Ministri i Drejtësisë,                                                                                                  anëtar;

7.      Ministri i Mbrojtjes,                                                                                                    anëtar;

8.      Ministri i Arsimit dhe Shkencës,                                                                             anëtar;

9.      Ministri i Punës, Çështjeve Sociale dhe

Shanseve të Barabarta,                                                                                           anëtar;

10.       Ministri i Punëve, Publike, Transportit dhe

Telekomunikacionit,                                                                                                      anëtar;

11.        Ministri i Shëndetësisë,                                                                                            anëtar;

12.       Drejtori i Përgjithshëm i Institutit të Statistikave,                                                   anëtar;

13.       Drejtori i Përgjithshëm i ALUIZN-it,                                                                         anëtar;

14.       Drejtori i Drejtorisë së Statistikave Sociale, në INSTAT,                                     anëtar;

15.       Kryeregjistruesi i Pasurive të Paluajtshme, të

Republikës së Shqipërisë,                                                                                      anëtar;

16.       Drejtori i Përgjithshëm i Institutit të Sigurimeve

Shoqërore,                                                                                                                   anëtar;

17.       Dekani i Fakultetit Ekonomik, në UT,                                                                       anëtar;

18.       Tre specialistë nga bota akademike, në fushat e

gjeografisë, të informatikës dhe demografisë,                                                           anëtarë;

19.        Drejtori i Departamentit të Strategjive dhe

Koordinimit të Ndihmës së Huaj, në Kryeministri,                                              anëtar.

2.     Përfaqësuesit e botës akademike përzgjidhen në mënyrë të drejtpërdrejtë nga radhët e personelit të brendshëm të trupit akademik të universiteteve shqiptare.

3.     Komisioni mblidhet çdo muaj. Mbledhjet e tij kryesohen nga kryetari i komisionit e, në mungesë të tij, nga ministri i Brendshëm.

4.     INSTAT-i  ngarkohet me detyrën e sekretariatit të komisionit, dhe ka këto detyra:

– Njoftimin e zëvendëskryeministrit për mbledhjen e radhës;

– Mbajtjen e procesverbalit të mbledhjes;

– Përgatitjen e dokumentacionit bazë të mbledhjes.

5.      Masa e shpërblimit të anëtarëve të këtij komisioni, për të gjithë periudhën e funksionimit të komisionit, është 50 000 (pesëdhjetë mijë) lekë. Mënyra e pagesës të përcaktohet ,me udhëzim të veçantë të Komisionit Qendror të Regjistrimit.

6.      Ngarkohen zëvendëskryeministri dhe INSTAT-i për zbatimin e këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA
22/04/2009